Binəqədi rayonunda “Yaşıl dünya naminə həmrəylik ili”nə həsr olunan növbəti ağacəkmə aksiyası keçirilib
Binəqədi rayonunda “Yaşıl dünya naminə həmrəylik ili”nə həsr olunan növbəti ağacəkmə aksiyası keçirilib
Dövlət başçısının Sərəncamı ilə 2024-cü il “Yaşıl dünya naminə həmrəylik ili” ilə əlaqədar Ədliyyə Nazirliyi Bələdiyyələrlə iş mərkəzinin təşəbbüsü, Binəqədi bələdiyyəsinin təşkilatçılığı, Azərbaycan Bələdiyyələrinin Milli Assosiasiyalarının və Bakı şəhərində fəaliyyət göstərən bələdiyyələrin nümayəndələrinin iştirakı ilə Binəqədi rayonu ərazisində ağacəkmə, o cümlədən sahilyanı zonada təmizlik aksiyası keçirilmişdir. Keçirilən ağacəkmə aksiyasının məqsədi yaşıllaşdırma ənənələrini davam etdirmək və insanlar arasında ekoloji mədəniyyəti, təbiətə olan qayğı hissini təbliğ etməkdən, habelə çimərlik zonasında təmizliyə riayət olunmasını təmin etməkdən ibarət olmuşdur. Aksiyada 200 ədəd “Eldar şamı” ağacı əkilərək aqrotexniki xidmət göstərilib.
